Мене́ осужде́наго спаси́, осуди́вый Кресто́м Твои́м Влады́ко Спа́се мо́й вражду́, и да не пока́жеши гее́нне пови́нна, оскверне́наго страстьми́, и грехми́ омраче́наго.

Служба пятницы 2-й седмицы ВП



Ирмосы 7-9 канона, тропарь и кондак Рождества

Песнь 7

О́троцы, благоче́стию совоспита́ни,/ злочести́ваго веле́ния небре́гше,/ о́гненнаго преще́ния не убоя́шася,/ но, посреде́ пла́мене стоя́ще, поя́ху:// отце́в Бо́же, благослове́н еси́.

(загрузить)

Песнь 8

Чу́да преесте́ственнаго / росода́тельная изобрази́ пещь о́браз:/ не бо, я́же прия́т, пали́т ю́ныя, / я́ко ниже́ огнь Божества́ - Де́вы,/ в Ню́же вни́де утро́бу. / Тем, воспева́юще, воспое́м:/ да благослови́т тварь вся Го́спода // и превозно́сит во вся́ ве́ки.

(загрузить)

Песнь 9

Та́инство стра́нное ви́жу и пресла́вное:/ Не́бо - верте́п, / престо́л Херуви́мский – Де́ву, / ясли – вмести́лище, / в ни́хже возлеже́ Невмести́мый – Христо́с Бог, // Его́же, воспева́юще, велича́ем.

(загрузить)

    

Ноты ирмосов первого Рождественского канона: скачать или смотреть PDF-файл.

    

Тропарь Рождеству Христову, глас 4

Рождество́ Твое́ Христе́ Бо́же наш,/ возсия́ ми́рови свет ра́зума:/ в нем бо звезда́м служа́щии,/ звездо́ю уча́хуся, / Тебе́ кла́нятися Со́лнцу пра́вды,/ и Тебе́ ве́дети с высоты́ Восто́ка:// Го́споди сла́ва Тебе́.

(загрузить)


Кондак Рождеству Христову, глас 3

Де́ва днесь Пресу́щественнаго ражда́ет, / и земля́ верте́п Непристу́пному прино́сит: / а́нгели с па́стырьми славосло́вят,/ волсви́ же со звездо́ю путеше́ствуют:/ нас бо ра́ди роди́ся // Oтроча́ мла́до, Преве́чный Бог.

(загрузить)


Автор: Администратор
Дата публикации: 19.11.2017

Отклики (481)

    Вы должны авторизоваться, чтобы оставлять отклики.