Мене́ осужде́наго спаси́, осуди́вый Кресто́м Твои́м Влады́ко Спа́се мо́й вражду́, и да не пока́жеши гее́нне пови́нна, оскверне́наго страстьми́, и грехми́ омраче́наго.

Служба пятницы 2-й седмицы ВП



Стихиры на литии из 1-й службы преподобномученице Елисавете

Стихира 1-я на литии из 1-й службы преподобномученице Елисавете, глас 8:

Богоизбра́нная преподобному́ченице Елисаве́то, / егда́ бу́ря безбо́жия на зе́млю ру́сскую на́йде, рекла́ еси́: / я́коже в бу́ри не́цыи бегу́т, ини́и поража́ются, / ине́м же о́чи душе́внии отверза́ются, да ви́дят вели́чие Бо́жие, / та́ко и в ви́хре жите́йстем быва́ет. / Се́рдце твое́ позна́ в ско́рбех десни́цу Бо́жию: / лю́тое убие́ние му́жа твоего́ научи́ тя служи́ти Бо́гу и бли́жним, / немощны́м, уве́чным и оста́вленным, / со смире́нием и любо́вию; / еще́ же восприя́ла еси́ и́ноческое житие́, / и бежа́ти от богобо́рцев не восхоте́ла еси́ / без стра́ха прии́мши му́ченическую смерть за Христа́. / Мы же, почита́юще благоуха́нныя мо́щи твоя́, усе́рдно про́сим: // моли́ о чту́щих по́двиги твоя́ и страда́ния.

(загрузить)

     

Стихира 2-я на литии из 1-й службы преподобномученице Елисавете, глас 4:

Же́ртвы Бо́гу живопогребе́нныя, / в кладезеподо́бный ров низри́нутыя:/ пре́жде всех Елисаве́та страстоте́рпица, / к го́рним устремле́нная княги́ня милосе́рдная, / би́сер Правосла́вия в но́вом оте́честве обре́тшая,/ ева́нгельски уби́йцу му́жа своего́ прости́вшая,/ моли́твою и благотворе́нием Бо́гу угоди́вшая,/ безбо́жными же не пощажде́нная./ Помоли́теся за нас, святи́и кня́зие, / помоли́теся за всех, преподо́бнии страстоте́рпицы,/ Елисаве́то с Варва́рою ве́рною./ Услы́шите нас, в ве́си Гефсимани́йстей погребе́ннии, / услы́шите нас и ти́и, и́хже погребе́ние неве́домо, / услы́шите нас па́ки, вку́пе прия́тыя во оби́тели небе́сныя: // свято́е во́инство, моли́ Бо́га о нас.

(загрузить)

     

Сла́ва Отцу́ и Сы́ну и Свято́му Ду́ху:

Стихира на «Слава» на литии из 1-й службы преподобномученице Елисавете, глас 6:

В Це́ркви Росси́йстей/ просла́влена бы́вши, Елисаве́то,/ потщи́ся разделе́ние Це́ркве на́шея умири́ти любо́вию:/ глаго́лют бо не́цыи друг ко дру́гу: / мы есмы́ до́брое се́мя, вы же пле́велие есте́. / А́ще пребу́дем та́ко, ка́ко узна́ют нас челове́цы? / Ка́ко уве́руют, я́ко Госпо́дни есмы́ ученицы́? / Прииди́те днесь, во еди́нем ли́це совоку́пльшеся,/ воспои́м Елисаве́ту преподобному́ченицу, / с не́юже и всех новому́чеников росси́йских, / да утверди́т Госпо́дь Це́рковь Ру́сскую моли́твами их, / да сохрани́т от раско́лов и ересе́й; / свяще́нницы ея́ да облеку́тся в пра́вду, / архиере́е же ея́ да пребу́дут пра́во пра́вяще/ сло́во Христо́вы и́стины, // я́ко еди́н есть те́ла церко́внаго Глава́ и Влады́ка.

(загрузить)

     

И ны́не и при́сно и во ве́ки веко́в. Ами́нь.

Богородичен, глас 6:

Творе́ц и Изба́витель мой, Пречи́стая,/ Христо́с Госпо́дь, из Твои́х ложе́сн проше́д,/ в мя оболки́йся, пе́рвыя кля́твы Ада́ма свободи́./ Те́мже Ти, Всечи́стая,/ я́ко Бо́жии Ма́тери же и Де́ве,/ вои́стинну вопие́м немо́лчно:/ ра́дуйся, А́нгельски,/ ра́дуйся, Влады́чице,/ предста́тельство и покро́ве,// и спасе́ние душ на́ших.

(загрузить)




Автор: Администратор
Дата публикации: 06.06.2020

Отклики (481)

    Вы должны авторизоваться, чтобы оставлять отклики.