Стихиры Успения на стиховне

Стихира 1-я Успения на стиховне, глас 4:

Прииди́те, воспое́м, лю́дие,/ Пресвяту́ю Де́ву Чи́стую,/ из Нея́же неизрече́нно про́йде,/ вопло́щся, Сло́во О́тчее,/ зову́ще и глаго́люще:/ благослове́нна Ты в жена́х,/ блаже́нное чре́во, вмести́вшее Христа́./ Того́ святы́м рука́м ду́шу преда́вши,/ моли́ся, Пречи́стая,// спасти́ся душа́м на́шим.

Стіхи1ра № ўспeніz на стіх0внэ, глaсъ д7:

Пріиди1те, воспоeмъ лю1діе,/ прес™yю дв7у чcтую,/ и3зъ неsже неизречeннw пр0йде,/ вопл0щшеесz сл0во џ§ее,/ зовyще и3 глаг0люще:/ бlгословeна ты2 въ женaхъ,/ блажeнное чрeво вмэсти1вшее хrтA./ тогw2 с™ы6мъ рукaмъ дyшу предaвши,/ моли1сz, пречcтаz,// спасти1сz душaмъ нaшымъ.

     

Стих 1-й на стиховне Успения:

Воскресни́, Го́споди, в поко́й Твой,/ Ты и киво́т Святы́ни Твоея́.

Стjхъ № на стіх0внэ ўспeніz:

Воскrни2, гDи, въ пок0й тв0й,/ ты2 и3 ківHтъ свzтhни твоеS.

     

Стихира 2-я Успения на стиховне, глас 4:

Дави́дскую песнь днесь, лю́дие, воспое́м Христу́ Бо́гу:/ приведу́тся, рече́, Царю́ де́вы в след Ея́,/ и и́скренния Ея́ приведу́тся в весе́лии и ра́довании./ И́бо от се́мене Дави́дова,/ Ея́же ра́ди мы обожи́хомся,/ в ру́це Своего́ Сы́на и Влады́ки/ сла́вно и па́че сло́ва прелага́ется,/ Ю́же, я́ко Ма́терь Бо́жию, воспева́юще,/ вопие́м и глаго́лем:/ спаси́ нас, испове́дающих Тя Богоро́дицу,/ от вся́каго обстоя́ния// и изба́ви от бед ду́ши на́ша.

Стіхи1ра в7 ўспeніz на стіх0внэ, глaсъ д7:

Дв7дскую пёснь днeсь лю1діе воспоeмъ хrтY бGу:/ приведyтсz, речE, цRю2 дBвы въ слёдъ є3S,/ и3 и4скрєннzz є3S приведyтсz въ весeліи и3 рaдованіи./ и4бо t сёмене дв7дова,/ є3sже рaди мы2 њбожи1хомсz,/ въ рyцэ своегw2 сн7а и3 вLки,/ слaвнw и3 пaче сл0ва прелагaетсz,/ ю4же ћкw м™рь б9ію воспэвaюще,/ вопіeмъ и3 глаг0лемъ:/ спаси2 нaсъ и3сповёдающихъ тS бцdу,/ t всsкагw њбстоsніz,// и3 и3збaви t бёдъ дyшы нaшz.

     

Стих 2-й на стиховне Успения:

Кля́тся Госпо́дь Дави́ду и́стиною,/ и не отве́ржется eя́.

Стjхъ в7 на стіх0внэ ўспeніz:

Клsтсz гDь дв7ду и4стиною,/ и3 не tвeржетсz є3S.

     

Стихира 3-я Успения на стиховне, глас 4:

Всечестно́е Твое́ успе́ние,/ Пресвята́я Де́во Чи́стая,/ А́нгел мно́жество на Небеси́ и челове́ческий род на земли́, ублажа́ем,/ я́ко Ма́ти была́ еси́ Творца́ всех, Христа́ Бо́га,/ Того́ моля́щи не преста́й о нас, мо́лимся,/ и́же на Тя с Бо́гом упова́ние поло́жших,// Богоро́дице Всепе́тая и Неискусобра́чная.

Стіхи1ра G ўспeніz на стіх0внэ, глaсъ д7:

Всечестн0е твоE ўспeніе,/ прес™az дв7о чcтаz,/ ѓгGлъ мн0жество на нб7си2, и3 человёческій р0дъ на земли2 ўблажaемъ,/ ћкw м™и былA є3си2 творцA всёхъ хrтA бGа:/ того2 молsщи не престaй њ нaсъ, м0лимсz,/ и5же на тS съ бGомъ ўповaніе пол0жшихъ,// бцdе всепётаz, и3 неискусобрaчнаz.

     

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Стихира Успения на «Слава, и ныне» на стиховне, глас 4:

Егда́ изшла́ еси́, Богоро́дице Де́во,/ ко из Тебе́ Ро́ждшемуся неизрече́нно,/ бя́ше Иа́ков, брат Бо́жий и пе́рвый священнонача́льник,/ Петр же, честне́йший верхо́вник, Богосло́вов нача́льник,/ и весь Боже́ственный апо́стольский лик, явле́нным богосло́вием песносло́вяще/ Боже́ственное и стра́шное Христа́ Бо́га смотре́ния та́инство/ и живонача́льное и богоприя́тное Твое́ те́ло погре́бше, ра́довахуся, Всепе́тая./ Превы́ше же пресвяты́я и старе́йшия а́нгельския си́лы,/ чудеси́ дивя́щеся, прини́кше друг ко дру́гу, глаго́лаху:/ возми́те ва́ша врата́ и восприими́те Ро́ждшую небесе́ и земли́ Творца́,/ славословле́ньми же воспое́м честно́е и свято́е те́ло,/ вмести́вшее на́ми Неви́димаго и Го́спода./ Те́мже и мы, па́мять Твою́ пра́зднующе,/ вопие́м Ти, Препе́тая:// христиа́нский рог вознеси́ и спаси́ ду́ши на́ша.

Стіхи1ра ўспeніz на слaва и3 нhнэ: на стіх0внэ, глaсъ д7:

Е#гдA и3зшлA є3си2, бцdе дв7о,/ ко и3зъ тебє2 р0ждшемусz неизречeннw,/ бsше їaкwвъ, брaтъ б9ій и3 пeрвый свzщенноначaльникъ,/ пeтръ же, честнёйшій верх0вникъ, бGосл0вwвъ начaльникъ/ и3 вeсь бжcтвенный ґпcльскій ли1къ, kвлeннымъ бGосл0віемъ пэсносл0вzще/ бжcтвенное и3 стрaшное хrтA бGа смотрeніz тaинство,/ и3 живоначaльное и3 бGопріsтное твоE тёло погрeбше, рaдовахусz, всепётаz./ превhше же прес™ы6z и3 старёйшыz ѓгGльскіz си6лы,/ чудеси2 дивsщесz, прини1кше дрyгъ ко дрyгу глаг0лаху:/ возьми1те в†ша вратA, и3 воспріими1те р0ждшую нб7сE и3 земли2 творцA,/ славословлeньми же воспоeмъ честн0е и3 с™0е тёло,/ вмэсти1вшее нaми неви1димаго и3 гDа./ тёмже и3 мы2 пaмzть твою2 прaзднующе,/ вопіeмъ ти2, препётаz:// хrтіaнскій р0гъ вознеси2, и3 спаси2 дyшы нaшz.