Стихиры на поклонение Честному Кресту на 4-й седмице Великого поста

Стихира 1-я, егда целуем честный Крест, глас 2:

Прииди́те, ве́рнии,/ Животворя́щему Дре́ву поклони́мся,/ на не́мже Христо́с, Ца́рь сла́вы, во́лею ру́це распросте́р,/ вознесе́ на́с на пе́рвое блаже́нство,/ и́хже пре́жде сла́стию укра́д вра́г,/ изгна́ны от Бо́га сотвори́./ Прииди́те, ве́рнии, Дре́ву поклони́мся,/ и́мже сподо́бихомся неви́димых вра́г сокруши́ти главы́./ Прииди́те, вся́ оте́чествия язы́к,/ Кре́ст Госпо́день пе́сньми почти́м:/ ра́дуйся, Кре́сте, па́дшаго Ада́ма соверше́нное избавле́ние,/ о тебе́ ве́рнии хва́лятся,/ я́ко твое́ю си́лою исма́ильтеския лю́ди держа́вно покаря́юще./ Тебе́ ны́не со стра́хом христиа́не целу́ем,/ на тебе́ пригвозди́вшагося Бо́га сла́вим, глаго́люще:/ Го́споди, на то́м пригвозди́выйся, поми́луй на́с,// я́ко Бла́г и Человеколю́бец.

Стіхи1ра №, є3гдA цэлyемъ чтcнhй кrтъ, глaсъ в7:

Пріиди1те, вёрніи,/ животворsщему дрeву поклони1мсz:/ на нeмже хrт0съ цRь слaвы в0лею рyцэ распростeръ,/ вознесE нaсъ на пeрвое блажeнство,/ и4хже прeжде слaстію ўкрaдъ врaгъ,/ и3згнaны t бGа сотвори2./ пріиди1те, вёрніи, дрeву поклони1мсz,/ и4мже спод0бихомсz неви1димыхъ вр†гъ сокруши1ти главы6./ пріиди1те, вс‰ nтeчєствіz kзы6къ,/ кrтъ гDень пёсньми почти1мъ./ рaдуйсz, кrте, пaдшагw ґдaма совершeнное и3збавлeніе:/ њ тебё вёрніи хвaлzтсz,/ ћкw твоeю си1лою їсмaильтєскіz лю1ди держaвнw покарsюще./ тебE нhнэ со стрaхомъ хrтіaне цэлyемъ,/ на тебЁ пригвозди1вшагосz бGа слaвимъ, глаг0люще:/ гDи, на т0мъ пригвозди1выйсz поми1луй нaсъ,// ћкw бlгъ и3 чlвэколю1бецъ.

     

Стихира 2-я, егда целуем честный Крест, глас 8:

Дне́сь Влады́ка тва́ри и Госпо́дь сла́вы/ на Кресте́ пригвожда́ется и в ре́бра пробода́ется./ Же́лчи и о́цта вкуша́ет сла́дость церко́вная./ Венце́м от те́рния облага́ется,/ Покрыва́яй не́бо о́блаки./ Оде́ждею облачи́тся поруга́ния,/ и зауша́ется бре́нною руко́ю,/ руко́ю Созда́вый челове́ка./ По плеще́ма бие́н быва́ет,/ Одева́яй не́бо о́блаки./ Заплева́ния и ра́ны прие́млет,/ поноше́ния и зауше́ния,/ и вся́ терпи́т мене́ ра́ди осужде́ннаго,/ Изба́витель мо́й и Бо́г,// да спасе́т ми́р от пре́лести, я́ко Благоутро́бен.

Стіхи1ра в7, є3гдA цэлyемъ чтcнhй кrтъ, глaсъ }:

Днeсь вLка твaри, и3 гDь слaвы,/ на кrтЁ пригвождaетсz, и3 въ рє1бра прободaетсz,/ жeлчи и3 џцта вкушaетъ, слaдость цRк0внаz:/ вэнцeмъ t тeрніz њблагaетсz,/ покрывazй нeбо џблаки,/ nдeждею њблачи1тсz поругaніz:/ и3 заушaетсz брeнною рук0ю,/ рук0ю создaвый человёка,/ по плещeма біeнъ бывaетъ,/ њдэвazй нeбо џблаки,/ заплев†ніz и3 р†ны пріeмлетъ,/ поношє1ніz и3 заушє1ніz,/ и3 вс‰ терпи1тъ менє2 рaди њсуждeннагw,/ и3збaвитель м0й и3 бGъ,// да спасeтъ мjръ t прeлести, ћкw бlгоутр0бенъ.

     

Сла́ва Отцу́ и Сы́ну и Свято́му Ду́ху:

Стихира на «Слава», егда целуем честный Крест, глас 8:

Дне́сь неприкоснове́нный существо́м,/ прикоснове́н мне́ быва́ет,/ и стра́ждет стра́сти/ свобожда́яй мя́ от страсте́й;/ све́т подава́яй слепы́м,/ от беззако́нных усте́н оплева́ется,/ и дае́т плещи́ за плене́нныя на ра́ны./ Сего́ Чи́стая Де́ва и Ма́ти на Кресте́ зря́щи,/ боле́зненно веща́ше:/ увы́ Мне́, Ча́до Мое́,/ что́ сие́ сотвори́л еси́?/ Кра́сный добро́тою па́че все́х челове́к,/ бездыха́нный, беззра́чный явля́ешися,/ не име́я ви́да, ниже́ добро́ты./ Увы́ Мне́, Мо́й Све́те,/ не могу́ спя́ща зре́ти Тя́,/ утро́бою уязвля́юся,/ и лю́тое ору́жие се́рдце Мое́ прохо́дит./ Воспева́ю Твоя́ стра́сти,/ покланя́юся благоутро́бию Твоему́,// Долготерпели́ве, сла́ва Тебе́.

Стіхи1ра на Слaва:, є3гдA цэлyемъ чтcнhй кrтъ, глaсъ }:

Днeсь неприкосновeнный существ0мъ,/ прикосновeнъ мнЁ бывaетъ,/ и3 стрaждетъ стrти,/ свобождazй мS t страстeй,/ свётъ подавazй слэпы6мъ,/ t беззак0нныхъ ўстeнъ њплевaетсz,/ и3 даeтъ плещы2 за плэнє1нныz на р†ны./ сегw2 чcтаz дв7а и3 м™и на кrтЁ зрsщи,/ болёзненнw вэщaше:/ ўвы2 мнЁ, чaдо моE,/ что2 сіE сотвори1лъ є3си2;/ крaсный добр0тою пaче всёхъ человBкъ,/ бездыхaнный, беззрaчный kвлsешисz,/ не и3мёz ви1да, нижE добр0ты:/ ўвы2 мнЁ, м0й свёте,/ не могY спsща зрёти тS,/ ўтр0бою ўzзвлsюсz,/ и3 лю1тое nрyжіе сeрдце моE прох0дитъ:/ воспэвaю тво‰ стrти,/ покланsюсz бlгоутр0бію твоемY,// долготерпэли1ве, слaва тебЁ.

     

И ны́не и при́сно и во ве́ки веко́в. Ами́нь.

Стихира Триоди на поклонение Кресту на «И ныне», глас 8:

Днесь проро́ческое испо́лнися сло́во:/ се бо покланя́емся на ме́сто,/ иде́же стоя́сте но́зе Твои́ Го́споди:/ и Дре́ва спасе́ния вкуси́вше,/ грехо́вных страсте́й свобо́ду улучи́хом,// моли́твами Богоро́дицы, еди́не Человеколю́бче.

Стіхи1ра на И# нhнэ: тріHди, є3гдA цэлyемъ чтcнhй кrтъ, глaсъ }:

Днeсь прbр0ческое и3сп0лнисz сл0во:/ сe бо покланsемсz, на мёсто,/ и3дёже стоsстэ н0зэ твои2 гDи:/ и3 дрeва спасeніz вкуси1вше,/ грэх0вныхъ страстeй своб0ду ўлучи1хомъ,// мlтвами бцdы, є3ди1не чlвэколю1бче.