Для пения всем храмом: задание 6

Тропарь на Вход Господень в Иерусалим, глас 1:

О́бщее воскресе́ние пре́жде Твоея́ стра́сти уверя́я,/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́, Победи́телю сме́рти вопие́м:/ оса́нна в вы́шних,// благослове́н Гряды́й во и́мя Госпо́дне.

(загрузить)

     

Сла́ва Отцу́ и Сы́ну и Свято́му Ду́ху:

Другой тропарь на Вход Господень в Иерусалим, глас 4:

Спогре́бшеся Тебе́ креще́нием, Христе́ Бо́же наш,/ безсме́ртныя жи́зни сподо́бихомся Воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.

(загрузить)

     

И ны́не и при́сно и во ве́ки веко́в. Ами́нь.

Кондак на Вход Господень в Иерусалим, глас 6:

На престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние и дете́й воспева́ние/ прия́л еси́ зову́щих Ти:// благослове́н еси́, гряды́й Ада́ма воззва́ти.

(загрузить)

     

Херувимская песнь греческого распева:

Лик: И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.
Диакон глаголет:
Вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго имярек, митрополи́та (или архиепи́скопа, или епи́скопа егоже есть область), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.
Таже священник:
Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, и при́чет церко́вный, бра́тию свята́го хра́ма сего́, вас и всех правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.
Лик: Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

Партия второго голоса:

(загрузить)

     

Поётся как причастен, а также вместо «Тело Христово», «Да исполнятся»

Тропарь Великого Четверга, глас 6:

Ве́чери Твоея́ та́йныя/ днесь, Сы́не Бо́жий,/ прича́стника мя приими́:/ не бо враго́м Твои́м та́йну пове́м,/ ни лобза́ния Ти дам я́ко Иу́да,/но я́ко разбо́йник испове́даю Тя:// помяни́ мя, Го́споди, во Ца́рствии Твое́м.

Аллилу́ия, Аллилу́ия, Аллилу́ия.

(загрузить)